लमजुङ — लमजुङका एक जना युवक एक जना १४ वर्षीया किशोरीलाई जबर्जस्ती करणी गरेको अभियोगमा मनाङमा पक्राउ परेका छन् ।
लमजुङको मर्स्याङ्दी गाउँपालिका ३, टुनीखर्क घर बताउने ३१ वर्षीय डुलबहादुर गुरुङलाई पक्राउ गरिएको जिल्ला प्रहरी कार्यालय मनाङका प्रमुख डीएसपी हरि पौडेलले जानकारी दिए ।
निर्माणाधीन मनाङ मर्स्याङ्दी हाइडोपावरमा कार्यरत ती युवकलाई सोमबार बिहानपख १ बजेतिर पक्राउ गरी जिल्ला प्रहरी कार्यालय चामे लगिएको उनले बताए ।
मनाङको तल्लो क्षेत्र नासों गाउँपालिका ९, दानक्युबाट पक्राउ गरिएका ती युवकलाई जिल्ला अदालतबाट सोमबार ७ दिनको म्याद थप गरी गुरुङविरुद्ध थप अनुसन्धान थालिएको डीएसपी पौडेलले बताए ।
