तनहुँ — जिल्लाको घिरिङ गाउँपालिका–४ थामडाँडामा एक आमाले चार महिनाको छोरालाई ढुंगाले हानेर हत्या गरेकी छिन् ।
नवलपुरको बौदीकाली गाउँपालिका–२ अर्मले घर भएकी ३६ वर्षीया कमला परियारले आफ्लै छोरा अर्जुन परियारको ढुंगाले हानेर हत्या गरेको जिल्ला प्रहरी कार्यालय तनहुँले बताएको छ ।
तनहुँ प्रहरीका अनुसार सोमबार साँझ ७ बजे भिमादबाट नवलपरासी सुस्ता पूर्व डेढगाउँ जाने सडकखण्डमा कमलाले छोरालाई ढुंगाले हानेर गम्भीर घाइते बनाएकी थिइन् ।
स्थानीयले घाइते बच्चालाई उपचारका लागि रामपुर अस्पताल पाल्पा लगेकामा उपचारका क्रममा राति ९:३० बजे मृत्यु भएको जिल्ला प्रहरी कार्यालय तनहुँका प्रहरी नायब उपरीक्षक अशोक थापाले जानकारी दिए ।
कमलालाई इलाका प्रहरी कार्यालय डेढगाउँले नियन्त्रणमा लिएर अदालतबाट कर्तव्य ज्यान मुद्दामा म्याद थप गराएर अनुसन्धान गरिरहेको छ ।
