नेविसंघको आन्तरिक विवादका कारण यस क्याम्पसमा निर्वाचन प्रक्रियामा अवरोध पुगेको हो । निर्वाचन प्रक्रियाअन्तर्गत गत फागुन २६ मा क्याम्पसमा मनोनयनपत्र वितरण गरिएको थियो । उक्त दिन अनेरास्ववियु, नेविसंघ, अखिल (क्रान्तिकारी) र ३ जना स्वतन्त्र उम्मेदवारसहित ६ जनाले मनोनयनपत्र लिएका थिए । ३ वटै संगठनसहित १ जना स्वतन्त्र उम्मेदवारले फागुन २७ मा निर्वाचन अधिकृतको कार्यालयमा मनोनयन पत्र बुझाए । आन्तरिक विवादले गर्दा नेविसंघले च्यातिएको मनोनयन पत्र बुझाउनुपर्ने परिस्थिति बन्यो ।

सचिव पदमा नेविसंघबाट कुशल सापकोटा र प्रशान्त जोशी उम्मेदवारको आकांक्षी थिए । जोशीले मनोनयन फारम भर्दा सापकोटा पक्षले त्यसलाई च्यातिदियो । जोशीले २ टुक्रा भएको मनोनयपत्र निर्वाचन समितिमा बुझाए । निर्वाचन समितिले त्यो खारेज गर्ने निर्णय गर्‍यो । नेविसंघको क्याम्पस इकाइ सचिवबिना भए पनि निर्वाचनामा जानुपर्ने पक्षमा छ भने केन्द्रीय समिति सचिव नभई निर्वाचन लड्न नहुने पक्षमा छ ।