पूर्वी नवलपरासी — कावासोती नगरपालिका-१ का वडाध्यक्ष तवारक अहमद मियाँ ह्रदयघातका कारण निधन भएको छ । शनिबार गैँडाकोटमा भएको युवा संघको कार्यक्रममा कुर्सीमा बसिरहेका मियाँ त्यही ढलेका थिए ।
गैडाकोटस्थित श्रीराम पार्टी प्यालेसमा युवा संघ नवलपुरको दशौँ अधिवेशन चलिरहेको थियो। उनले कार्यक्रममा स्वागत मन्तव्य राखेका थिए ।
मन्तव्य सकेर कुर्सीमा बसेका उनी त्यही ढलेपछि उनलाई उपचारकालागि चितवन मेडिकल कलेज पुर्याइएको थियो । चिकित्सकले उनलाई मृत घोषणा गरेको प्रहरीले जनाएको छ ।
एमालेबाट वडाध्यक्षमा निर्वाचित मियाँ ३५ वर्षका थिए ।
