काठमाडौं-७ मा राष्ट्रिय स्वतन्त्र पार्टीका गणेश पराजुली विजयी

निकटतम प्रतिद्वन्द्वी नेपाल कम्युनिष्ट पार्टी (एमाले)का उम्मेदवार श्‍यामकुमार घिमिरेलाई १९४३ मतान्तरले पराजित गरेका हुन् । पराजित श्‍यामकुमार घिमिरेले ६८०० मत ल्याएका छन् ।

काठमाडौं-७ मा नेकपा माओवादी केन्द्रकी उम्मेदवार मानुषी यमि भट्टराईले ६ हजार ६३ मत ल्याएकी छिन् । योसँगै राष्ट्रिय स्वतन्त्र पार्टीले ३ स्थानमा जित हात पारेको छ ।

यसअघि काठमाडौं-८ मा विराजभक्त श्रेष्ठ, काठमाडौं-२ मा सोबिता गौतम विजयी भएकी छिन् । राष्ट्रिय स्वतन्त्र पार्टी सुनसरी-२, काठमाडौं-६, चितवन-१ र २ तथा ललितपुर-३ मा अग्रस्थानमा रहेको छ ।