फिल्मलाई पनि 'पूर्णबहादुरको सारङ्गी'बाट चर्चा कमाएका निर्देशक सरोज पौडेलले निर्देशन गर्नेछन् ।
काठमाडौँ — फिल्म ‘सिन्दुरे जात्रा’ बन्ने भएको छ । निर्देशक सरोज पौडेलले फिल्मका लागि दुई मुख्य कलाकार तय गरिसकेका छन् ।
यसअघि 'पूर्णबहादुरको सारङ्गी'मा देखिएका विजय बराल र अञ्जना बराइली यो फिल्ममा अनुबन्धित भएका हुन् ।
सारंगी फिल्म्सको प्रस्तुतिमा निर्माण हुने यो फिल्मलाई पनि 'पूर्णबहादुरको सारङ्गी'बाट चर्चा कमाएका निर्देशक पौडेलले नै निर्देशन गर्नेछन् । फिल्मलाई सविन अधिकारी र वसन्त न्यौपानेले लेखेका हुन् ।
आरआर फिल्मसले वितरण गर्ने यो फिल्मको प्रदर्शन मिति तय भइसकेको छैन ।
