काठमाडौँ — १७ औं राष्ट्रिय बाल नाटक महोत्सव आयोजना हुने भएको छ । माघ २६ गतेदेखि फागुन २ गतेसम्म यो महोत्सव रुसी सदन, कमलपोखरीमा महोत्सव आयोजना हुने भएको हो । 

महोत्सवमा आयोजक बाहेकका १८  नाटक छनोट भएका छन् । महोत्सव निर्देशक नवराज बुढाथोकीका अनुसार प्राप्त ४१ स्कृप्टबाट १७ नाटक छनोट भएका हुन् । यो महोत्सव शैली थिएर, ओजस थिएटर र रुसी सदन, काठमाडौंको सहकार्यमा आयोजना हुने भएको हो । 

महोत्सवमा श्री महेन्द्र आदर्श मा.वि ललितपुरको 'हामी एकै हौ', मेधाश्री विद्यालय, काठमाडौंको 'यशस्वी भवः', हामी दाजुभाइ संस्था ललितपुरको 'के यो माया हो ?', इन्टरनेसनल स्कुल धुम्रबाराही,काठमाडौंको 'अब उठ्नु छ', काभ्रे ईङ्गलिस माध्यमिक विद्यालय पनौती काभ्रेको 'सपनाको पुल', स्प्रीङ हिल ईङलिस बोर्डीङ स्कुल काभ्रेको 'सुनको, जुत्ता' र प्रगति प्रभात एकेडेमी काभ्रेको 'आमाको आशा' छनोट भएका हुन् ।