रणवीर सिंहसहित चर्चित कलाकारले अभिनय गरेको ‘धुरन्धर’ले २० दिनको छोटो अवधिमा भारतीय बजारमै ६०७ करोड भारु कमाउँदै सिक्वेलको तयारी थालिसकेको छ।
काठमाडौँ — बलिउड अभिनेता रणवीर सिंह अभिनित फिल्म 'धुरन्धर' ले भारतीय बक्स अफिसमा ६ सय करोड भारु माथिको व्यापार गरिसकेको छ ।
गतः डिसेम्बर ५ मा प्रदर्शनमा आएको यो स्पाई थ्रिलर फिल्मले प्रदर्शनको २०औँ दिनसम्म आइपुग्दा भारतीय बजारबाट मात्रै ६ सय ७ करोड भारु भन्दा बढीको कलेक्सन गरेको हो ।
पछिल्लो रिपोर्ट अनुसार फिल्मले प्रदर्शनको पहिलो हप्ता २०७.२५ करोड र दोस्रो हप्ता २५३.२५ करोडको व्यापार गरेको थियो । तेस्रो हप्तामा पनि फिल्मको रफ्तार कम छैन ।
आदित्य धरको लेखन तथा निर्देशनमा तयार भएको यो एक्सन थ्रिलरमा रणवीर सिंहका साथै अक्षय खन्ना, अर्जुन रामपाल, सञ्जय दत्त र आर. माधवन जस्ता दिग्गज कलाकारहरू मुख्य भूमिकामा छन् ।
भारतभर करिब ५ हजार स्क्रिनमा रिलिज भएको फिल्मको 'क्रेज' सामाजिक सञ्जालमा समेत निकै देखिन्छ । निर्माण पक्षले यसको सिक्वेलको समेत घोषणा गरिसकेको छ ।
प्राप्त जानकारी अनुसार 'धुरन्धर' को सिक्वेल सन् २०२६ को मार्च १९ मा प्रदर्शनमा आउनेछ ।
