काठमाडौँ — दक्षिण भारतीय फिल्मका ‘सुपरस्टार’ राम चरणको आगामी फिल्म ‘पेड्डी‘ को यतिबेला छायाँकन भइरहेको छ ।

छायाँकन सेटबाट रामचरणका तस्बीरहरू सार्वजनिक भइरहेका छन् । यो फिल्मको पहिलो गीत रिलिज भइसकेको छ ।

गीत ‘चिकिरी चिकिरी’ मात्र चर्चित भएन, रामचरनको नृत्य पनि सामाजिक सञ्जालहरूमा भाइरल भयो । गीतले मात्र २४ घण्टाभित्र ४६ मिलियनभन्दा बढी भ्युज पाएको थियो ।

छायाँकन सेटबाट बाहिरिएका तस्बिरहरूमा कडाकेको चिसोमा राम चरण दिल्लीको राष्ट्रपति भवन आसपासका सडकमा हिँडिरहेको अवस्थामा देखिन्छन् । उनको लुक निकै रफ र फरक देखिएको छ । यसपटक राम चरण नयाँ अवतारमा देखिने अनुमान दर्शकहरूमा छ ।