काठमाडौँ — बलिउड अभिनेता सनी देओल अभिनित फिल्म ‘बोर्डर २’ को टिजर सार्वजनिक भएको छ ।

सनी देओलको संवादबाट सुरु हुने टिजरमा देशभक्तिपूर्ण संवाद र युद्धका दृश्य देख्न सकिन्छ ।

‘तिमी जहाँबाट घुस्ने कोसिस गर, आकाशबाट, जमिनबाट वा समुद्रबाट, अगाडि एउटा भारतीय सैनिक उभिएको पाउनेछौ,” देओलको संवाद सुनिन्छ, ‘जो आँखामा आँखा जुधाएर, छाती फुलाएर भन्छ– हिम्मत छ भने आऊ, यहाँ उभिएको छ हिन्दुस्तान ।’

टिजरमा वरुण धवन, दिलजीत दोसांझ र अहान शेट्टीलाई पनि युद्धमैदानमा देखिन्छ ।

फिल्ममा सनी देओल, वरुण धवन, दिलजीत दोसांझ, अहान शेट्टीसँगै मेधा राणा, मोना सिंह र सोनम बाजवाको पनि प्रमुख भूमिका रहेको छ ।