माघ २३ देखि प्रदर्शनमा आउने फिल्म सुदिप्ताले निर्देशन गरेका हुन् ।
काठमाडौँ — फिल्म 'रमिताको पिरती'को नयाँ गीत सार्वजनिक भएको छ । फिल्मको ‘तिमी भए काफी’ बोलको गीत सार्वजनिक भएको हो ।
गीतको भिडियोमा प्रमुख अभिनेत्री आना शर्मा र गायक समीर श्रेष्ठ देखिन्छन् । थाइल्यान्डमा खिचिएको यो गीतलाई समीर नै गाएका हुन् । यो यही फिल्मबाट गायक समीरले अभिनयमा डेब्यू गर्दैछन् ।
माघ २३ देखि प्रदर्शनमा आउने फिल्म सुदिप्ताले निर्देशन गरेका हुन् । फिल्ममा आना र समीरसँगै धिरज मगर, विनय श्रेष्ठ, गौमाया गुरुङ, पशुपति राई, रेनु योगीत, गियना, थिन्ले ल्हामोलगायतको अभिनय छ । सुदिप्ताले नै फिल्मको कथा लेखेका हुन् ।
शिशिर विशाङ्खेले खिचेको यो फिल्ममा सुनिल सिवाकोटीको सम्पादन, कृतिका बरालको कोरियोग्राफी छ ।
