फिल्म ‘कभी खुसी कभी ग़म’ प्रदर्शनको २४ वर्ष पुगेको अवसरमा अभिनेत्री काजोलले सामाजिक सञ्जालमार्फत् प्रशंसकहरूसँग उत्सव मनाउँदै प्रेरणादायी सन्देश दिएकी छन्।
काठमाडौँ — बलिउड फिल्म ‘कभी खुसी कभी गम’ प्रदर्शनकझ २४ वर्ष पूरा भइसकेको छ ।
सोमबार अभिनेत्री काजोल फिल्म प्रदर्शनको २४ वर्ष पूरा भएको अवसरमा खुसी साट्न पुगिन् ।
यश जोहरद्वारा निर्मित तथा करण जोहरद्वारा निर्देशित यो फिल्म सन् १४ डिसेम्बर २००१ मा प्रदर्शनमा आएको थियो ।
फिल्ममा अमिताभ बच्चन, जया बच्चन, शाहरुख खान, काजोल, ऋतिक रोशन र करीना कपूरले मुख्य भूमिका निर्वाह गरेका थिए ।
फिल्ममा काजोलले अञ्जलीको चरित्र निर्वाह गरेकी थिइन् । काजोलले इन्स्टाग्राम पेजमार्फत् पोस्ट सेयर गर्दै उत्सव मनाइन् । उनले फिल्मसँग सम्बन्धित आफ्नो तस्वीर पनि सेयर गरिन् ।
काजोलले लेखेकी छन्, ‘सबै अञ्जलीहरूलाई भन्न चाहन्छु—आफूमा गर्व गर, खुलेर बाँच। राहुल (चलचित्रको मुख्य पात्र, जसको भूमिका शाहरुख खानले निभाएका थिए) ढिलो हुन सक्छ, किनकि ऊ सायद ट्राफिकमा फसेको होला ।’
काजोलको यो सन्देशलाई उनका प्रशंसकहरूले रुचाएका समेत छन् ।
