सोनाम लामाको कोरियोग्राफी, दीप गुरुङको निर्देशन, पदम सुवेदीको सम्पादन र रंग संयोजनमा तयार भएको गीतमा गाउँबाट सहरमा रूपान्तरणको कथा छ।
काठमाडौँ — गुमन गुरुङको प्रस्तुतिमा बनेको नयाँ गीत सार्वजनिक भएको छ । 'पुरानो गाउँ'बोलको यो गीतमा कलाकार ओम गुरुङ र रीना गुरुङको अभिनय छ ।
सीताराम परियारको शब्द, शीतल गुरुङ र शान्ति श्री परियारको आवाज यो गीत बजारमा आएको हो । एच.बि.एन. किस्मतले एरेन्ज गरेको यो गीतको भिडियोलाई विजय लामाले खिचेका हुन् ।
पदम सुवेदीले गीतको भिडियोलाई सम्पादन गरेका हुन् । उनैले गीतमा रंग संयोजन गरेका हुन् । सोनाम लामाको कोरियोग्राफीमा बनेको गीतको भिडियोलाई दीप गुरुङले निर्देशन गरेका हुन् ।
गीतमा पुरानो गाउँ कसरी सहरमा परिणत हुँदैछ भन्ने भाव प्रस्तुत छ ।
