काठमाडौँ — कात्तिक १४ देखि प्रदर्शनमा 'परान'ले नौलो प्रतिस्पर्धा घोषणा गरेको छ । 'मेरो परान' शीर्षकमा लेख्दै तस्विरसहितको उक्त पोस्टलाई निर्माण टिमको अफिसियल पेजमा ट्याग गर्नेलाई एक लाख नगद पुरस्कार पनि घोषणा गरिएको हो । 

उक्त पोस्टमा परानका रुपमा बुबा, आमा वा बुबाआमा दुवै वा श्रीमान्, श्रीमती या प्रेमीप्रेमिका, साथी अथवा दाजुभाइ एवं दिदीबहिनीमध्ये जोकोहीसँगको फोटो पोस्ट गर्न पाउने जनाएका छन् । त्यसरी पोस्ट गर्दै सामाजिक सञ्जालमा लेख्नेमध्येबाट गोला प्रथा गरी विजेता घोषणा गरिनेछ । प्रतियोगितामा सहभागी सय जनाले फिल्मको विशेष शोको टिकट पाउने पनि बताइएको छ । 

गोल्छा अर्गनाइजेसनका शेखर गोल्छासमेतको प्रत्यक्ष सहभागितामा निर्माण भएको यो फिल्ममा बुबा र छोराको कथालाई प्रस्तुत गरिएको छ । फिल्मको प्रमुख भूमिकामा अभिनेता नीर शाह देखिएका छन् । 'सक्किगोनी'का दीपकप्रसाद आचार्य (काकु) ले निर्देशन गरेको यो फिल्मको ट्रेलर केही दिनअघि सार्वजनिक गरिएको थियो ।