काठमाडौँ — बलिउड अभिनेता अजय देवगनको नयाँ फिल्म ‘दृश्यम ३’ निर्माणको तयारीमा छ । यतिबेला टिम पात्रहरू छनोटको क्रममा छ ।

कलाकार परेश रावलले भने फिल्म खेल्नका लागि अस्वीकार गरेको बलिउड सञ्चारमाध्यमले उल्लेख गरेका छन् । उनलाई अभिनेता देवगनले महत्वपूर्ण भूमिकाका लागि प्रस्ताव गरेका थिए ।

तर रावलले यसबारे खुलासा गरे, ‘स्क्रिप्ट साँच्चै राम्रो छ । म वास्तवमै धेरै प्रभावित छु । तर एक अद्भुत स्क्रिप्टमा तपाईंलाई एउटा यस्तो भूमिका चाहिन्छ जसले तपाईंलाई उत्साह देओस् । नत्र मजा आउँदैन । मलाई यो भूमिका आफ्नो लागि उपयुक्त लागेन । त्यसैले अस्वीकार गरेँ ।’

'दृश्यम' का दुई भाग पहिले नै रिलिज भइसकेका छन् । यी दुवै भाग निकै हिट समेत भए । यो फिल्म मलयालम फिल्मको रिमेक हो ।