काठमाडौँ — बलिउड अभिनेता अक्षय कुमार पर्दामा नियमित देखिइरहन्छन् । यही वर्ष मात्रै उनका ३ वटा फिल्म रिलिज भइसके । फिल्म ‘जोली एलएलबी ३’ले अपेक्षाकृत व्यापार त गरेन । यद्यपि सय करोड क्लबमा भने प्रवेश गरेको छ । अक्षयका पछिल्ला फिल्मले कति कमाए ? हामी यसबारे चर्चा गर्नेछौँ । 

‘जोली एलएलबी ३’ले हालसम्म भारतमा ११२.९० करोड रुपैयाँ कमाएको छ । यसअघि रिलिज भएका ‘हाउसफुल ५’ र ‘स्काई फोर्स’ ले क्रमशः १८३.३ करोड र १३१.४४ करोड रुपैयाँको कमाइ गरेका थिए ।

सन् ०२३ मा रिलिज भएको फिल्म ‘ओएमजी २’ले १ सय ५० करोडमाथिको व्यापार गरेको थियो । ०२१ मा रिलिज भएको फिल्म ‘सूर्यवंशी’ले १ सय ९६ करोड कमाएको थियो ।

०१८ देखि ०१९ को अवधिमा अक्षयका ७ फिल्म रिलिज भए, जसमा गोल्ड, २.०, केसरी, मिसन मंगल, हाउसफुल ४ र गुड न्यूज गरी ६ फिल्मले क्रमशः १०४.७२ करोड, १८९.५५ करोड, १५४.४१ करोड, २०२.९८ करोड, १९४.६० करोड र २०५.१४ करोड रुपैयाँ कमाएका थिए । ‘प्याडम्यान’ले ८१.८२ करोड कमाइ गरेको थियो ।