काठमाडौँ — तपाईंलाई थाहा छ ? मिस नेपाल २०२५ मा आउनुअघि लुना लुइँटेललाई के कुराको सबैभन्दा धेरै डर थियो ? 

मिस नेपाल २०२५ बनिसकेकी लुनाले भर्खरै कान्तिपुरलाई दिएको अन्तरवार्तामा उनले त्यो डरबारे खुलाएकी छन् । लुनाले भनेअनुसार उनलाई मिस नेपालको प्रतियोगीले लगाउने 'हिल'सँग धेरै डर थियो । कारण उनी प्याटप्याटे चप्पलमा आफूलाई सहज अनुभव गर्थिन् । सन् २०१५ मा मिस टिनको उपविजेता बनिसकेपछि लुनाले कहिल्यै हिल जुत्ता लगाइनन् । 

चप्पल बजाउँदै हिँड्न उनलाई रमाइलो लाग्थ्यो । जमिनमा सिधा टेकिने जुत्ता नै उनको पहिलो रोजाई बन्थ्यो । साथीहरुको लहैलहैमा मिस टिनमा सहभागी भइन् । त्यो मञ्चमा हिल लगाएर हिँडिसकेपछि कहिल्यै उनको रोजाईमा हिल परेन । त्यसैले उनले लामो समय हिलमा हिँड्न सिकिन् ।