सुपर्ण वर्माले लेखेको फिल्ममा सनीको भूमिका, नितांशीको सम्भावित डेब्युले थप चासो बढाएको छ।
काठमाडौँ — सनी देओल हाल दुई ठूला फिल्ममा व्यस्त छन् । ‘लाहौर १९४७’ र ‘बोर्डर २’। ‘बोर्डर २’को काम पूरा भइसकेको छ । यो फिल्म अर्को वर्ष रिलिज हुने निश्चित छ । सनी अर्को नयाँ एक्सन थ्रिलर फिल्ममा पनि देखिने भएका छन् ।
जुन फिल्मलाई निर्देशक सिद्धार्थ पि मल्होत्राले बनाउने तयारी गरिरहेका छन् ।
यो फिल्मको कथा २००७मा आएको हलिउड थ्रिलर ‘डेथ सेन्टेन्स’बाट प्रभावित रहेको जनाइएको छ ।
फिल्मलाई सुपर्ण वर्माले लेखेका छन् । फिल्म यसै वर्ष फ्लोरमा जानेछ । फिल्ममा ‘लापता लेडिज’बाट डेब्यु गरेकी १८ वर्षीया अभिनेत्री नितांशी गोयललाई लिइने चर्चा पनि चलिरहेको छ ।
हालसम्म निर्माताहरूले आधिकारिक घोषणा गरेका छैनन् । नितांशी सामाजिक सञ्जालमा निकै सक्रिय छिन् । उनको इन्स्टाग्राममा १०.६ मिलियन फलोअर्स छन् ।
