सामाजिक सञ्जालमा हिट हुँदै गरेको नयाँ फिल्मको ट्रेलरले माग्ने बुढाको धनी बन्ने प्रयासको कहानीलाई ब्यंग्यात्मक तरिकाले प्रस्तुत गरेको छ।
काठमाडौँ — केदार घिमिरे उर्फ माग्ने बुढाको प्रमुख अभिनय रहेको फिल्म 'माग्ने राजा'को ट्रेलर सार्जजनिक भएको छ । प्रदर्शन मिति नजिकिँदै जाँदा निर्माण पक्षले फिल्मको ट्रेलर सार्वजनिक गरेको हो ।
ट्रेलरमा माग्ने बुढाले धनी बन्ने सपना पूरा गर्न के-के गर्छन् भन्ने विषय देखाइएको छ । ट्रेलरमा उनीसहित वर्षा सिवाकोटी, विल्सनविक्रम राई, शिशिर बाङ्देल, शारदा गिरी देखिन्छन् ।
आगामी भदौ ६ देखि प्रदर्शनमा आउने यो फिल्मले देशको सामाजिक, आर्थिक र राजनीतिक परिस्थितिलाई ब्यंग्य गर्छ । आरम्भ प्रोडक्सनको ब्यानरमा निर्माण भएको फिल्मका प्रस्तुतकर्ता तथा निर्माता मुनाल घिमिरे हुन् । नरेन्द्र मैनालीले खिचेको फिल्ममा अभिनेता आर्यन सिग्देलको पनि विशेष भूमिका छ ।
आरआर फिल्मस्ले वितरण गर्ने फिल्ममा सामीप्य राज तिमल्सेनाको कथा, पटकथा तथा संवाद र दीपक शर्मा बाबुल गिरीको संगीत छ ।
