काठमाडौँ — खिल बहादुर गुरुङ निर्देशित फिल्म 'रिमै'को टिजर सार्वजनिक भएको छ । २ मिनेट लामो टिजरमा कथाका रहस्य, भावना र रोमाञ्चक पाटा समेटिएका छन् ।
यो फिल्म भदौ २० बाट प्रदर्शनमा आउने तय भएको छ । यसअघि भदौ २७ मा प्रदर्शन गरिने भनेको फिल्म एक हप्ता अगाडि सारिएको हो ।
यो फिल्ममा 'कब्बडी'बाट चर्चा कमाएको जोडी दयाहाङ राई, रिश्मा गुरुङको मुख्य भूमिका छ । उनी दुईसँगै फिल्ममा गौमाया गुरुङ, कविता आले मगर, माओत्से गुरुङ, पुस्कर गुरुङ, वीरमाया गुरुङ, वीरवल घले, डिवी गुरुङ, टेक गुरुङ र बालकलाकार असिम सुब्बा, प्रेस्टु गुरुङ र प्रश्ना राना मगरलगायतको अभिनय छ ।
उपेन्द्र सुब्बाद्वारा लिखित यो फिल्मलाई शैलेन्द्र ध्वज कार्कीले खिचेका हुन् । फिल्ममा दीपक शर्मा र थानेश्वर गौतमको संगीत छ ।
