भक्तपुर — गायक सुशान्त केसीको कन्सर्ट भक्तपुरको सल्लाघारी मैदानमा सुरु हुँदैछ । दर्शकहरू कन्सर्ट स्थलमा आउन थालेका छन् र माहोल पनि बढ्दो छ ।

केसीका गीतहरू 'आमा,' 'रिसाउने भए,' 'सारंगी,' र 'झ्यालबाट' जस्ता हिट ट्र्याकहरू सबैको मुखमा छन्। उनको नयाँ गीत 'झन्डै' अहिले धेरै चर्चित भइरहेको छ । यसअघि, 'सारंगी' जस्तो गीतले उनलाई लोकप्रिय बनाएको थियो ।

केसीले आफ्नो कन्सर्ट यात्रा अन्तर्राष्ट्रियस्तरमा पनि फैलाएका छन् । उनले अघिल्लो वर्ष अस्ट्रेलियाका होबार्ट र ब्रिस्बेनजस्ता सहरहरूमा कन्सर्ट गरेका थिए । साथै, सन् २०२४ मा उनले अमेरिकाका प्रमुख सहरहरूमा पनि कन्सर्ट दिइसकेका छन्, जसमध्ये न्यूयोर्क र टेक्सासका कन्सर्ट धेरै चर्चित भए।

सल्लाघारीको कन्सर्टमा पनि दर्शकहरू यतिबेला निकै नै उत्साहित मुद्रामा देखिइरहेका छन् । अब केहीबेरमै केसी मञ्चमा आउने आयोजकले बताएका छन् ।