काठमाडौँ — माध्यमिक तहको कक्षा ८ को नेपाली विषयको पाठ्यक्रममा समावेश 'एक जोर जुत्ता' कथामा लघु फिल्म बनेको छ । महेश विक्रम शाहद्वारा लिखित कथामाथि मोहन अभिलाषीले फिल्म निर्देशन गरेका हुन् ।
यो फिल्ममा श्रमिका लुइँटेल, सुरज पराजुली, रामबाबु रेग्मी, गीताश्री थापा, समिरा थापा, सितास्मा खड्का, सहदेव बस्नेत र राजु कारंजितको अभिनय छ । ऐना आर्टसको प्रस्तुतिमा निर्माण भएको फिल्मलाई नारायण जिसीले खिचेका हुन् ।
अभिलाषीले यसअघि 'भाउ', 'घुर्रा', 'पाउलो', 'द स्कूल वाल' बनाएका थिए । यी फिल्महरु विभिन्न अन्तर्राष्ट्रिय फिल्म महोत्सवमासमेत सहभागी भएको थियो । अहिले उनी फिचर फिल्मको तयारीमा छन् ।
