काठमाडौँ — लोकप्रिय गायक रूपक डोटेल र अनिश पाण्डेको स्वरमा नयाँ गीत सार्वजनिक भएको छ । ‘तिमी छौं र पो म छु’ बोलको गीत 'अनिश पाण्डे' युट्युब च्यानलमार्फत सार्वजनिक गरिएको हो । गीतमा गायकद्वयले प्रेमसँगै मनमा तरंगीत भावनाहरू पोखेका छन् ।

शब्द र संगीत गायक पाण्डेकै रहेको गीतको एरेन्ज सञ्जीव बराइलीले गरेका हुन् । गीत बेलायतका राजधानी लण्डनस्थित स्टानवेल स्टुडियोमा इञ्जिनियर मदन रेन माडीले रेकर्ड गरेका हुन् ।

गीतको भिडियोमा गायकद्वय डोटेल र पाण्डेले अभिनय गरेका छन् । बेलायतका ह्विटबाई अबे, माम टर,  डनकास्टर लगायतका स्थानमा खिचिएको भिडियोमा मोडल निशु पौडेलको पनि अभिनय छ । सुमन श्रेष्ठको छायांकन तथा निर्देशन रहेको भिडियोको सम्पादन भने मनोज कार्कीले गरेका हुन् ।