काठमाडौँ — चर्चित गायक सोनु निगम नेपालमा गुञ्जँदैछन् । क्रिसमसका अवसरमा नेपालमा पहिलो पटक निगमले प्रस्तुति दिन लागेका हुन् ।
हायत चौरमा आयोजना हुने 'सोनु निगम लाइभ इन नेपाल'मा आयोजकले ९ देखि १० हजार दर्शक अपेक्षा गरेका छन् । आयोजक टिम नेपाल टच नेपालका अनुसार अहिलेसम्म ६ हजार बढीको टिकट बिक्री भइसकेको छ ।
निगमले नेपाली दर्शकबीच ३ घण्टाको सांगीतिक प्रस्तुति दिनेछन् । उनले नेपाली गीत पनि गाउने आयोजकले जनाएको छ । निगम २१ वर्षअघि व्यक्तिगत कारणले नेपाल आइपुगेका थिए । तर, दर्शकबीच भने यो नै उनको पहिलो प्रस्तुति हुनेछ । निगमलाई नेपाल ल्याउने तयारी सुरु भएको करिब ६ महिना भयो ।
साँझ ६ बजेबाट 'सोनु निगम लाइभ इन नेपाल' सुरु हुनेछ ।
