कोरोनाका कारण 'जर्सी' को सुटिङ रोकियो
काठमाडौँ — बलिउड फिल्म 'जर्सी'को सुटिङ रोकिएको छ । फिल्मका मुख्य अभिनेता शाहिद कपुरले कोरोनाबाट सतर्कता अपनाउन टिमले सुटिङ रोक्ने निर्णय गरेको सामाजिक सञ्जाल ट्वीटरबाट जानकारी दिएका छन् ।
'यो समय भाइरस फैलनबाट रोक्ने हाम्रो सामाजिक दायीत्व हो । त्यसैले 'जर्सी'को टिमले फिल्मको सुटिङ अहिलेलाई रोक्ने निर्णय लिएको छ । ता कि टिमका सबै सदस्यले यो समयमा आफ्नो समय परिवारलाई दिओस् । उत्तरदायी हुनुहोस्,' शाहिदले ट्वीटरमा लेखेका छन् ।
फिल्मको सुटिङ पञ्जाबको चण्डिगढमा भइरहेको थियो । गौतम तिनानुरीको निर्देशनमा बन्ने यो फिल्म यही नामको तेलेगु फिल्मको रिमेक हो । फिल्ममा प्रतिभाशाली क्रिकेटर अर्जुनको कथामाथि आधारित छ । अर्जुनले ३० नाघेपछि आफ्नो छोराको ईच्छा पूरा गर्न क्रिकेटमा कमब्याक गर्छ ।
प्रकाशित : चैत्र २, २०७६ १३:३१प्रतिक्रिया