‘नीरफूल’को फस्टलुक पोस्टर 

पोस्टरमा अभिनेता दयाहाङ राई, शान्ति वाइबालगायत कलाकार 'फिचर्ड' छन् । अभिनेत्री रेखा थापाको विशेष भूमिका रहने बताइए पनि उनी पोस्टरमा अटाएकी छैनन् ।

आगामी फागुन ३० गते प्रदर्शनमा आउने फिल्ममा दयाहाङ, रेखा, शान्तिसँगै बुद्धि तामाङ, पुष्कर गुरुङ, जिम्मे छ्योकी घिसिङ, राजन खतिवडालगायतको अभिनय छ ।

निर्देशक वल फिल्ममार्फत धादिङ रुबी भ्यालीको एउटा परिवारमा भूकम्पको बेलाको मानवीय संघर्ष र आममनोविज्ञान पस्किन खोजेको बताउँछन् ।

फिल्मको पटकथा निर्देशक वल र सचिन घिमिरेले लेखेका हुन् । फ्रेन्ड्स अफ नेपाल–म्यान्मार फ्रेन्डसिप काउन्सिलसितको सहकार्यमा सेलो प्रोडक्शनले निर्माण गरेको फिल्मको कार्यकारी निर्माता भने दुबईकी डोमा सोनाम हुन् ।