अस्ट्रेलियाका सिड्नी, मेलबर्न, एडिलेड, ब्रिसबनलगायतका सहरमा मात्र नभएर अन्य क्षेत्रमा रहेका नेपालीले समेत अभिभावक तथा आफूभन्दा मान्यवरसँग टीकाजमरा लगाएर दसैं मनाएका छन् ।
अस्ट्रेलिया — अस्ट्रेलियामा समेत धूमधामका साथ दसैं मनाइएको छ । अस्ट्रेलियाका सिड्नी, मेलबर्न, एडिलेड, ब्रिसबनलगायतका सहरमा मात्र नभएर अन्य क्षेत्रमा रहेका नेपालीले समेत अभिभावक तथा आफूभन्दा मान्यवरसँग टीकाजमरा लगाएर दसैं मनाएका छन् ।
दसैं मनाउनका लागि यस वर्ष पनि सयौंको संख्यामा नेपाली अभिभावक नेपालबाट अस्ट्रेलिया आएका छन् ।
टीकाको दिन बिहानैदेखि परम्परागत पोसाकमा सजिएका अभिभावक र बालबालिकाले अस्ट्रेलियालाई दसैंमय बनाएका थिए ।
