३०.१२°C काठमाडौं
कुर्दिस्थानको नदीमा माछा मार्दा डुबेर एक नेपालीको मृत्यु
काठमाडौँ — इराकको स्वशासित राज्य कुर्दिस्थानस्थित कवात जिल्लाको ‘ग्रेट रिभर’ मा एक नेपाली कामदारको डुबेर शनिबार ज्यान गएको छ ।
कुर्दिस्थान टिभीका अनुसार माछा मार्ने क्रममा ग्रेट रिभरमा खस्दा ३३ वर्षीय निश्चल नेत्रबहादुर राईको डुबेर मृत्यु भएको हो ।
कवात सिभिल डिफेन्सका कर्णेल अमन्ज मोहम्मदले यसको पुष्टि गरेको कुर्दिस्थान टिभीले जनाएको छ । सिभिल डिफेन्सको टोलीले राईको शव पानीबाट निकालेको मोहम्मदले बताए ।
प्रकाशित : जेष्ठ २८, २०८० ११:५९प्रतिक्रिया
