कोरियामा ४५ सय नेपालीको भिसा अवधि सकिँदै, भन्छन्- 'जसरी हुन्छ फर्काइदेऊ'

कोरियामा भिसा सकिएका नेपालीको अर्को टाउको दुखाइको विषय 'इन्स्योरेन्स पोलिसी' पनि हो । वैधानिक रुपमा ६ महिना कटेका सबैले मासिक १२ हजारभन्दा बढी तिर्नुपर्छ ।
गोकुल थोकर

सोल, दक्षिण कोरिया — सोमबार प्रधानमन्त्रीले देशका नाममा सम्बोधन गर्दा कोरियाका उमेश पन्थी लकडाउन खुल्छ कि भन्ने आसमा थिए । लकडाउन खुले अन्तराष्ट्रिय हवाई उडान होला र नेपाल फर्किऊँला भन्ने उनको आशा थियो । उनी रोजगार अनुमति प्रणाली (ईपीएस) मार्फत कोरिया आएका हुन् । उनले भिसा सकिएको दुई महिनाभन्दा बढी भइसक्यो ।

कोरियामा ईपीएसअन्तर्गतआएका ३ हजारभन्दा बढी नेपालीको भिसा अवधि सकिएको छ । जुनको अन्त्यसम्म कोरियामा रोजगारीकालागि आएका ४ हजार ५ सय ३० जना नेपालीको भिसा सकिँदै छ । यसरी भिसा सकिएका नेपालीलाईकोरियाली सरकारले पहिलोपटक ५० दिन भिसा थपिदिने गरेको छ । त्यो समय सकिएकालाई ५/५ दिन भिसा दिन्छ । यसरी थपिएको भिसामा काम गर्न नपाउने भनिएको छ ।

प्रधानमन्त्रीले सम्बोधनकाक्रममा 'विदेशमा भएका नेपालीलाई नेपाल फर्काइने' भनेपछि पन्थीकोमनमा झिनो आशा भने पलाएको छ । भन्नका लागि त केके भन्छन् भन्छन्। तर कार्यान्वयन कहिले हुन्छ, यसै भन्न सकिन्न,’ उनले भने । उनी आफ्नो पहिलो कार्यावधि सकेर मार्च २५ मा घर जान तयार थिए ।सरकारले कोरोना संक्रमणबाट बच्नका लागि सबै अन्तर्राष्ट्रिय उडान बन्द गरेपछि पन्थीजस्तैनेपाल फर्कन नपाएका अरु नेपालीको पीडा पनि उस्तै छ ।

खर्चिलो कोरियामा२ महिनाभन्दा बढी काम नगरी बस्नुभन्दा हामी नै पैसा तिरेर नेपाल जान्छौं भनेका हौं। नेपाल सरकारले भनेबमोजिमको क्वारेन्टाइनमा बस्न तयार छौं । जानुअघि कोरियामै कोरोनाटेस्ट पनि गर्ने तर हाम्रो कुरा कसले सुन्ने ?’ पोछन सहरमा बस्दैआएका सुभास ढकाल भन्छन् ।

भिसा सकिएका नेपालीहरुजसरी हुन्छ आफ्नै देश फर्कन चाहन्छन् । उनीहरुले बारम्बार कोरियामा रहेको नेपाली राजदूतावासलाईसहयोग पनि मागे । तर चासो नदिएको ढकालले बताए । '२४तारिखमा दूतावासमै गएर धर्ना दियौं । तर उहाँहरुलेको जवाफ रेडिमेड थियो- हामीले केही गर्न सक्दैनौ । सरकारले केही निर्णय गरे खबर गर्छौं,’ उनले सुनाए ।

नेपाली राजदूतावासकाकार्यवाहक राजदूत रामसिंह थापा भने ईपीएसमार्फत कोरिया आएका नेपालीलाई भिसाको समस्यानभएको बताउँछन् । यहाँ भिसा सकिएका नेपालीलाईकाम गर्न नपाए पनि बस्नका लागि कुनै समस्या छैन । अहिलेसम्म कसैले पनि बेखर्ची भएकोभन्ने गुनसो गरेका छैनन् । तर हामीले अन्य सहयोग त गरेकै छौं,’ उनले भने, ‘नेपाल सरकारले छिट्टै विदेशमा भएको नेपालीलाईकसरी नेपाल लैजाने भन्ने कार्ययोजना बनाउँदै छ । त्यसपछि समस्या समाधान होला ।

भिसा सकिएका नेपालीलाईकेही कम्पनीले खिसुक्सा (कम्पनीको होस्टल) मै बस्न दिए पनि धेरैलाई बस्नको समस्या छ। यस्तैमा पर्छन्, जीवन मगर । मेरो मार्च २७ मा घर जाने टिकट थियो । त्यही बेलादेखि कम्पनी छाडेर बसेको छु,'उनले भने, 'कहिले साथीकहाँ जान्छु । सेल्टरमा बस्दादैनिक ५ हजार जति खर्च हुन्छ ।

कोरियामा एउटा कम्पनीछाडेर अर्को नपाउन्जेलका लागि बस्नका लागि विभिन्न संघसंस्थाले बस्ने व्यवस्थाका लागिसेल्टरखोलेका छन् । नेपाली रेस्टुरेन्टले खोलेको सेल्टरमाबस्दा इन्ट्री फीभनेर १० हजार लिन्छन्। बिहान-बेलुकीको खाना पनि त्यहीँ खानुपर्ने नियम छ । नेपालीरेस्टुरेन्टमा एक छाकको ८ सय देखि १२ सयसम्म पर्छ । कोरियामा भिसा सकिएका नेपालीकोअर्को टाउको दुखाइको विषय यहाँको इन्स्योरेन्स पोलिसी पनि हो । वैधानिक रुपमा ६ महिनाकटेका सबैले मासिक १२ हजारभन्दा बढी तिर्नुपर्छ ।

राम्रो आम्दानी गर्नेदेशमा पर्ने कोरियामा रहेका नेपालीलाई बेखर्ची नै हुने समस्या नभए पनि २/३ महिना कामै नगरी बस्दा नेपालबाटै पैसा झिकाउनुपर्ने अवस्था आउन लागेको ईश्वरश्रेष्ठ बताउँछन् । खर्चिलो छ कोरिया । पहिले गर्दै आएको कम्पनीमाकोरोनाकै कारण काम कम छ । बाहिर गएर काम गर्न नियमले दिँदैन,' उनी भन्छन्, 'धेरै साथीले त थेजीकम (उपदान) को पैसा सकाउनलागिसके । त्योभन्दा हामी नै पैसा तिरेर नेपाल जान पाए सजिलो हुन्थ्यो कि ?’

प्रकाशित : जेष्ठ १४, २०७७ २१:२८
प्रतिक्रिया
पठाउनुहोस्

रुकुम घटनाका दोषीलाई कठघरामा उभ्याउनु पर्छः पौडेल

कान्तिपुर संवाददाता

काठमाडौँ — कांग्रेस बरिष्ठ नेता रामचन्द्र पौडेलले रुकुमको चैरजहारीमा शनिबार भएको घटनालाई मानवताविरोधी अपराधको संज्ञा दिएका छन् । परिवर्तित नयाँ राज्य व्यवस्थामा जातीय छुवाछुतको अन्त्य गर्ने भनिए पनि व्यवहारमा यस्ता घटना हुनु निन्दनीय रहेका बताए ।

‘कसको समर्थनमा, कसको ब्याकअपमा त्यस्तो घट्ना भयो ?’पौडेलले कान्तिपुरसँग भने,‘जसकोसुकै ब्याकअपममा घटना भए पनि अपराधीहरुलाई कठघरमा उभ्याउनु पर्छ ।’

शनिबार रुकुमको चौरहजारी नगरपालिका सोतीमा अन्तर्जातीय विवाह गर्न खोजेको निहुँमा गाउँलेको आक्रणममा परी चारजना युवाले ज्यान गुमाएका छन् भने दुईजना अझै बेपत्ता छन् ।

जाजरकोटको भेरी नगरपालिका राना गाउँका नवराज विकले सोतीकी मल्ल थरकी आफ्नी प्रेमिका भगाउन साथीहरु लिएर गएकोमा उनीहरुमाथि आक्रमण गरिएको थियो । आक्रमणमा नवराज पनि मारिएका छन् । यो घटनालाई राष्ट्रिय मानवअधिकार आयोगलगायतले जातीय विभेद र मानवताविरोधी अपराधका रुपमा चित्रण गरेका छन् ।

प्रकाशित : जेष्ठ १४, २०७७ २१:१४
पूरा पढ्नुहोस्
प्रतिक्रिया
पठाउनुहोस्
×