काठमाडौँ — नेपाल राष्ट्र बैंकले मंगलबार ऋणपत्रमार्फत बजारबाट  २५ अर्ब रुपैयाँ झिक्न लागेको छ । नेपाल राष्ट्र बैंक ऋणपत्र २०८४-ङ मार्फत उक्त रकम बजारबाट झिक्न लागेको हो ।

राष्ट्र बैंकले जारी गरेको सूचनाअनुसार बैंक तथा वित्तीय संस्थाले मंगलबार दिउँसो ३ बजेसम्म बोलकबोल गर्न मागेको थियो । यससँगै राष्ट्र बैंकले यसअघि गत पुसमा ऋणपत्रमार्फत एक वर्षका लागि करिब २ खर्ब रुपैयाँ झिकिसकेको छ । यस पटक पनि करिब २ खर्ब रुपैयाँ बजारबाट झिक्ने राष्ट्र बैंकको तयारी छ ।  

बजारमा तरलता तत्काल घट्ने नदेखिएपछि राष्ट्र बैंकले फेरि ऋणपत्रमार्फत एक वर्षका लागि पैसा झिक्न लागेको हो । यसअघि सातामा २ दिन निक्षेप संकलन उपकरणमार्फत बजारबाट पैसा झिक्दै आएको छ ।