आज एक तोला सुनको मूल्य ३ लाख ११ हजार १ सय कायम भएको छ ।
काठमाडौँ — केही दिनयता ओरालो लागेको सुनको मूल्य आज ह्वात्तै बढेको छ ।
नेपाल सुनचाँदी व्यवसाय महासंघका अनुसार आज सुन तोलामा २० हजार ५ सयले बढेको हो ।
गत शुक्रबार २ लाख ९० हजारमा खरिद–बिक्री भएको एक तोला सुनको मूल्य आज ३ लाख ११ हजार १ सय कायम भएको छ ।
त्यसैगरी, एक तोला चाँदीको ५ हजार ३४५ निर्धारण भएको छ । गत शुक्रबार एक तोला चाँदी ५ हजार ४० मा किनबेच भएको थियो ।
यसअघि २०८२ माघमा पनि सुन तोलामा २० हजार ५ सय रुपैयाँले बढेर ३ लाख ३९ हजार ३ सय रुपैयाँ पुगेको थियो ।
