सोमबार कारोबारमा आएकामध्ये २४७ कम्पनीको मूल्य बढ्यो, १८ कम्पनीको मूल्य घट्यो र ४ वटाको स्थिर रह्यो ।
काठमाडौँ — साताको पहिलो कारोबार दिन सोमबार सेयर कारोबार मापक नेप्से परिसूचक ३८.३१ अंकले बढेको छ ।
गत शुक्रबारको तुलनामा १.३९ प्रतिशतले बढेर समग्र नेप्से २ हजार ७ सय ८३.८५ अंकमा उक्लेको छ । यो सँगै पछिल्ला तीन कारोबार दिन नेप्से लगातार बढेको छ ।
सोमबार कारोबारमा आएकामध्ये २४७ कम्पनीको मूल्य बढ्यो, १८ कम्पनीको मूल्य घट्यो र ४ वटाको स्थिर रह्यो ।
सो दिन कुल ६८ हजार ४ सय ४४ पटकको सेयर किनबेचमा १ करोड ४ लाख ३९ हजार ४ सय ३२ कित्ता सेयर खरिदबिक्री भए । ती किनबेचमा ४ अर्ब ६१ करोड ३५ लाख रुपैयाँ बराबर सेयर कारोबार भएको छ ।
अघिल्लो कारोबार दिनको तुलनाका कारोबार रकम बढेको हो । गत शुक्रबार ३ अर्ब २८ करोड ६८ लाख रुपैयाँको सेयर कारोबार भएको थियो ।
सो दिन कारोबारमा आएका १३ वटा उपसमूहमध्ये सबैको परिसूचक बढेपछि समग्र नेप्सो दोहोरो अंकले बढ्न टेवा पुगेको हो ।
