काठमाडौं — नेपाल उद्योग वाणिज्य महासंघको नयाँ कार्यसमिति चयनका लागि भइरहेको निर्वाचनमा वस्तुगत उपाध्यक्षमा नरेशलाल श्रेष्ठ, जिल्ला/नगर उपाध्यक्षमा कृष्णप्रसाद शर्मा  र दिलसुन्दर श्रेष्ठ विजयी भएका छन् ।

एसोसिएटतर्फको उपाध्यक्षसहितको मत गणना भइरहेको छ । महासंघको ६०औँ साधारणसभा सोमबारदेखि सुरु भएको हो । मंगलबार निर्वाचन सम्पन्न भएसँगै साँझदेखि नै मतगणना भइरहेको छ । महासंघको विधानअनुसार हालका वरिष्ठ उपाध्यक्ष अन्जन श्रेष्ठ आगामी कार्यसमितिमा स्वत: अध्यक्ष हुनेछन् ।

जिल्ला/नगर उद्योग वाणिज्य समूहमा उपाध्यक्षमा कृष्णप्रसाद शर्मा र दिलसुन्दर श्रेष्ठ विजयी भएका छन् । वस्तुगततर्फ उपाध्यक्षका लागि ४ जना उम्मेदवार थिए । जिल्ला नगर उद्योग बाणिज्य समूहकै कार्यसमिति सदस्यमा अर्जुनकुमार श्रेष्ठ, उज्ज्वलप्रसाद कसजु, केशवप्रसाद भण्डारी, कृष्ण कातुवाल, गोकुल श्रेष्ठ, छ्त्रधर आत्रेय, ताराबहादुर कार्की, दिपक नेपाल, प्रयास कार्की, मोहनप्रसाद श्रेष्ठ, लक्ष्मणराज पौडेल, शंकर गिरी, सन्तोष खड्का, सुदर्शन कार्की र हरिप्रसाद अर्याल निर्वाचित भएका छन् । जिल्ला नगर उद्योग वाणिज्य समूहमा कार्यसमिति सदस्य खुलामा १७ पदका लागि २२ जना उम्मेदवार थिए ।

जिल्ला नगर उद्योग बाणिज्य समूहकै महिला सदस्यमा गीता अमात्य र हीरा भट्टराई निर्वाचित भएकी छन् । २ पदका लागि ४ जनाले उम्मेदवारी दिएका थिए ।  जिल्ला/नगर उद्योग वाणिज्य समूहका कार्यसमिति सदस्यमा कोशी प्रदेशबाट जीवन पराजुली र रमेश विक, मधेस प्रदेशबाट विकासकुमार सारडा र अमरनाथ शाह, बागमती प्रदेशबाट सविन श्रेष्ठ र प्रकाश मानन्धर, गण्डकी प्रदेशबाट पविन्दकुमार श्रेष्ठ र सुविन श्रेष्ठ, लुम्बिनी प्रदेशबाट यज्ञप्रसाद भट्टराई र बालकृष्ण सुवेदी र सुदूरपश्चिम प्रदेशबाट पिताम्बर जोशी विजयी भएका छन् । कर्णाली प्रदेशतर्फ पदमबहादुर शाही र पुरिचन्द्र देवकोटा निर्विरोध भएका थिए ।

महासंघको वस्तुगत समूहको उपाध्यक्षमा नरेशलाल श्रेष्ठ विजयी भएका छन् । वस्तुगततर्फ सदस्यहरूमा अरनिको राजभण्डारी, नानिराज घिमिरे, रवीन पुरी, राजकुमार कार्की, संघर्ष विष्ट रहेका छन् । यस्तै, सदस्यमा विजयी हुनेहरूमा पशुपतिदेव पाण्डे, विदुर धमला, भक्तबहादुर हमाल, लिलेन्द्रप्रसाद प्रधान, सागर ढकाल र होमप्रसाद घिमिरे रहेका छन् । निराजन चालिसे, रघुनन्दन मारु, विप्लव अधिकारी र सुरज बन्जाडेले समान ५०/५० मत ल्याएका छन् । उनीहरूमध्ये १ जनालाई गोलाप्रथाबाट टुंगो लगाउने भनिए पनि हालसम्म निर्णय भएको छैन । यसमा १३ पदका लागि २६ जना उम्मेदवार थिए ।