काठमाडौँ — अर्थमन्त्री स्वर्णिम वाग्लेले निजी क्षेत्रलाई पखेटा फिँजाएर उड्न दिने, तर नियामक निकाय बलियो अवस्थामा रहने बताए । नेपाल उद्योग वाणिज्य महासंघ ६०औं वार्षिक साधारण सभाको उदघाटन सत्रमा उनले विगतका वर्षहरुमा नियामकीय निकायहरु कब्जा गरेर राखिएको समेत जनाए । 

'निजी क्षेत्रलाई बत्तिन दिने हो, पखेटा फिँजाएर उड्न दिने हो, तर दह्रो राज्य त्यहाँ हुनुपर्छ,' उनले भने, 'नियामक निकाय स्वस्थ सक्षम हुन्छ हुनुपर्छ भन्ने हाम्रो मान्यता छ । विगतका केही वर्षहरुमा यी नियामकीय निकायहरु कब्जा गरिएका थिए । निजी क्षेत्रलाई त्यसले विकृत बनाइरहेको थियो ।  जसलाई टुलुटुलु हेर्न मात्र बाध्य भएका थियौं ।'

नेपाली जनताको हस्तक्षेपपछि उक्त कब्जा तोडिएको उनले बताए । अहिलेको सरकार पुरानो बाटोमा नगई  नयाँ बाटो तय गर्ने समेत उनले बताए ।