काठमाडौँ — सेयर कारोबार मापक नेप्से परिसूचक ५.३६ अंकले बढेको छ । शून्य दशमलव १८ प्रतिशतले वृद्धि भएपछि समग्र नेप्से परिसूचक २ हजार ८ सय ३८ दशमलव ४० विन्दुमा उक्लिएको छ ।

कारोबारमा आएकामध्ये १०८ कम्पनीको मूल्य बढ्‍यो, १५० कम्पनीको मूल्य घट्यो भने १२ कम्पनीको मूल्य स्थिर रह्यो । होटल तथा पर्यटन, जलविद्युत्, उत्पादन तथा प्रशोधन, अन्य र व्यापार उपसमूहबाहेक सबै उपसमूहरु घटे । 

कुल ९६ हजार ५ सय ७३ पटकको सेयर किनबेचमा ७ अर्ब ४६ करोड ६ लाख ९८ हजार रुपैयाँको सेयर कारोबार भएको छ । ती किनबेचमा १ करोड ८० लाख ६३ हजार ७२८ कित्ता सेयर किनबेच भए । 

कारोबार रकमका आधारमा नेसनल हाइड्रो पावर कम्पनी लिमिटेड, सोलु हाइड्रोपावर लिमिटेड, रिदि पावर कम्पनी लिमिटेड, रिलायन्स स्पिनिङ मिल्स र हिमाल दोलखा हाइड्रोपावर कम्पनी अघि रहे ।