सम्भावित क्षेत्रीय द्वन्द्व र ऊर्जा आपूर्ति अवरोधको डरले यो गिरावट शुरु भएको थियो । यसले प्रमुख सूचकहरूलाई निरन्तर तल धकेल्दै आएको छ । बढ्दो महँगी र आपूर्ति प्रणालीमा लामो समयदेखि कायम अन्योलले प्रविधि र वित्तीय क्षेत्रका सेयरहरू सबैभन्दा धेरै घटेका छन् । 

‘बजारले अहिले वर्षौँयताकै नदेखिएको भूराजनीतिक जोखिम व्यहोरिरहेको छ,’ वरिष्ठ अर्थविद् जेमी डाइमनलाई उद्धृत गर्दै रोयटर्सले लेखेको छ, ‘बजारको मनोविज्ञान आधारभूत आर्थिक सूचकभन्दा अनिश्चितताले डोहोर्‍याएको छ ।’ 

द्वन्द्व नसुल्झिँदा बजारमा सेयर बिक्रीको लहर चलेको छ । रोयटर्सका अनुसार फण्ड व्यवस्थापकहरू सुरक्षित लगानीतर्फ सर्दै जाँदा इक्विटी बजारको बहिर्गमनलाई अझ तीव्र बनाएको छ । 

यो गिरावट वाल स्ट्रिटमा मात्रै सीमित नभएर विश्वका अन्य प्रमुख बजारसम्म पनि फैलिएको छ । चीनका प्रमुख सूचकहरू करिब ६ देखि ८ प्रतिशतले घट्दा बेलायतको एफटीएसई लगभग ५ प्रतिशत घटेको छ । यस्तै, फ्रान्सको सीएसी र जर्मनीको डीएएक्स पनि यो महिनामा औसत ७ देखि ९ प्रतिशतले ओरालो लागेका छन् । छिमेकी भारतका सेन्सेक्स र निफ्टी सूचकहरू लगभग ४/६ प्रतिशत खस्किए्को समयमा जापानको जापानको निक्केई करिब ८ प्रतिशतले तल झरेको छ ।