यस परियोजनामार्फत विश्व बैंकले कर्जा सूचना केन्द्रको प्राविधिक तथा संस्थागत क्षमता अभिवृद्धि गर्ने जनाएको छ । ऋण लिन चाहनेहरूको विवरण र क्रेडिट हिस्ट्री दुरुस्त राख्न प्रविधिको प्रयोग गरिनुका साथै

डेटा सुरक्षा र गोपनीयतालाई बलियो बनाइने विज्ञप्तिमा उल्लेख छ । नयाँ प्रविधिको प्रयोग गरेर बैँकहरूलाई जोखिम मूल्यांकन गर्न सजिलो बनाउन खोजिएको छ । यस पहलका लागि अन्तर्राष्ट्रिय वित्त कोषले सहयोग गरिरहेको विज्ञप्तिमा उल्लेख छ ।  

‘पर्याप्त धितोको अभाव र विगतमा पनि सिमित कर्जा प्रवाह भएको विवरणले साना तथा मझौला उद्यमीहरूलाई सुपथ वित्तीय सुविधामा पहुँच खुम्च्याउने गरेको छ भने वित्तीय संस्थाले पनि कर्जा प्रवाह गर्नुअघि जोमिख मूल्यांकन गर्न उचित तथ्यांक पाउँदैनन्,’ दक्षिण एसियाका लागि विश्व बैँकका वरिष्ठ वित्तीय क्षेत्र विज्ञ सविनराज श्रेष्ठले भने, ‘ यस परियोजनाले त्यो समस्या सम्बोधन गर्नेछ । यसले गर्दा साना व्यवसायीहरू पनि ठूला बजार र विश्वव्यापी व्यापार प्रणालीमा जोडिन सक्नेछन् ।’