कुल ६३ कम्पनीको सेयर मूल्य बढ्यो, १८९ कम्पनीको घट्यो भने ८ कम्पनीको मूल्य स्थिर रह्यो ।
काठमाडौँ — साताको अन्तिम कारोबार दिन सेयर कारोबार मापक नेप्से परिसूचक १२.८३ अंकले घटेको छ । बुधबारको तुलनामा बिहीबार शून्य दशमलव ४८ प्रतिशतले नेप्से घटेको हो । बुधबार १०.८७ अंकले बढेको थियो ।
कुल ६३ कम्पनीको सेयर मूल्य बढ्यो, १८९ कम्पनीको घट्यो भने ८ कम्पनीको मूल्य स्थिर रह्यो । कुल १३ उपसमूहमध्ये अन्य उपसमूहबाहेक बाँकी उपसमूह घट्यो ।
विकास बैंक २५.९४, जीवन बिमा १०१.७८ अंकले घट्यो । अन्य उपसमूह शून्य दशमलव २७ अंकले बढ्यो ।
कुल ६४ हजार ४०७ पटकको सेयर किनबेचमा ४ अर्ब ७१ करोड ३९ लाख रुपैयाँको सेयर कारोबार भएको छ । ती कारोबारमा १ करोड १ लाख ५३ हजार २२६ कित्ता सेयर किनबेच भए ।
