काठमाडौँ — सेयर कारोबार मापक नेप्से परिसूचक १८.३७ अंकले बढेको छ । शून्य दशमलव ७० प्रतिशतको वृद्धिपछि समग्र नेप्से २६ सय १९ दशमलव ९९ विन्दुमा उक्लिएको छ । सोमबार नेप्से ६.७४ विन्दुले बढेको थियो । 

कारोबारमा आएका मध्ये १८७ कम्पनीको सेयर मूल्य बढ्यो, ६१ कम्पनीको मूल्य घट्यो भने ११ कम्पनीको मूल्य स्थिर रह्यो । व्यापारबाहेक सबै उपसमूहहरु बढ्यो । व्यापार शून्य दशमलव ५२ अंकले घट्यो । होटल तथा पर्यटन १०३.१३, निर्जीवन बिमा ९६.८७, जीवन बिमा ९२.०७, विकास र्बैंक ८३.९१ अंकले बढ्यो । 

कुल ५५ हजार ७८ पटकको सेयर किनबेचमा ७८ लाख ४ हजार ४५ कित्ता सेयर किनबेच भए । नेप्से परिसूचक बढे पनि सोमबारको तुलनामा मंगलबार सेयर कारोबार रकम घटेको छ । सोमबार ३ अर्ब ४४ करोड १९ लाख रुपैयाँको कारोबार भएकामा मंगलबार ३ अर्ब २९ करोढ ४२ लाख रुपैयाँको सेयर कारोबार भएको छ ।