एकै दिन सुनको मूल्य तोलामा १९ सय रूपैयाँले वृद्धि भएको छ ।
काठमाडौँ — सुनको मूल्य हालसम्म कै उच्च कायम भएको छ । स्थानीय बजारमा सुन प्रतितोला २ लाख ६० हजार ७ सय रूपैयाँमा कारोबार भईरहेको छ ।
नेपाल सुनचाँदी व्यवसायी महासंघका अनुसार एकै दिन सुनको मूल्य १९ सय रूपैयाँले वृद्धि भएको छ ।
सोमबार सुनको मूल्य २ लाख ६० हजार ७ रूपैयाँ कायम भएको छ । आइतबार सुनको मूल्य तोलामा २ लाख ५८ हजार ८ सय रूपैयाँमा कारोबार भएको थियो ।
यस्तै चाँदीको मूल्य तोलाको ३ हजार ८७० रूपैयाँ पुगेको छ । आईतबार चाँदी प्रतितोला ३ हजार ८२५ रूपैयाँमा कारोबार भएको थियो ।
