पुच्छर काटेको ठूलो दानाको मूल्य सबैभन्दा बढी रहेको छ । तर यसको कारोबार भने झापाको बिर्तामोडमा अधिक हुन्छ । पुच्छर काटेको दानाको मूल्य त्यसपछि धेरै हुने गरेको छ । चलनचल्तीमा भने जस्तो सुकै अलैँची बिक्री हुने गरेको छ । यसको मूल्य सबैभन्दा कम हुन्छ ।

ठूलो दानाले चलनचल्तीको भन्दा प्रति मन १० हजार रुपैयाँ बढीसम्म पाउने गरेको छ भने पुच्छर काटेकोले तीनदेखि पाँच हजार रुपैयाँ बढी साटिन्छ ।

साउनदेखि किसानले अलैँची उत्पादन सुरु गर्छन् । अधिकांशजसो अलैँची मेची भन्सार कार्यालय भएरै भारत निर्यात हुने गरेको छ । नेपालको ९८ प्रतिशत अलैँची भारत निर्यात हुने तथ्यांकले देखाएको छ ।

भारतबाट भने पाकिस्तान र खाडी मुलुकमा निर्यात हुन्छ । मसला बनाउने प्रयोजनका लागि नेपाल, भारत र भुटानको अलैँची तेस्रो देश जाने गरेको व्यापारीहरूले बताएका छन् ।