काठमाडौँ — नेपाल सरकार र जापान सरकारबीच कोटेश्वरमा अन्डर पास र फ्लाइओभर निर्माणकालागि ऋण सम्झौता भएको छ । अर्थमन्त्री रामेश्वर खनालको उपस्थतिमा बुधबार अर्थ मन्त्रालयमा आयोजित एक कार्यक्रमकाबीच सम्झौता गरिएको हो । 

जापानले उक्त आयोजनाका लागि ३४.५९ अर्ब जापानी येन (करिब ३१ अर्ब ७६ करोड ) बराबरको ऋण सहायता उपलब्ध गराएको छ। जाइकामार्फत प्राप्त हुने उक्त ऋणको ग्रेस अवधि १० वर्ष, भुक्तानी अवधि ३० वर्ष र वार्षिक ०.२ प्रतिशत ब्याजदर रहने अर्थ मन्त्रालयले जनाएको छ।

यस आयोजनाअन्तर्गत कोटेश्वर तथा जडीबुटी खण्डमा अन्डरपास तथा फ्लाइओभर निर्माण गरिनेछ । आयोजना भौतिक पूर्वाधार तथा यातायात मन्त्रालय अन्तर्गतको सडक विभागमार्फत कार्यान्वयन गरिनेछ।

एक्सचेन्ज अफ नोट्समा अर्थ सचिव घनश्याम उपाध्याय र  जापानी राजदूत मायदा  तोरुले हस्ताक्षर गरेका हुन । त्यस्तै ऋण सम्झौतामा अर्थ मन्त्रालयको अन्तर्राष्ट्रिय आर्थिक सम्बन्ध महाशाखाका प्रमुख सह-सचिव धनीराम शर्मा र जाइका नेपालका प्रमुख प्रतिनिधि  श्री मित्सुजाकी माजुकीले हस्ताक्षर गरेको अर्थले जनाएको छ ।