काठमाडौँ — गत भदौ २३ र २४ गते भएको जेन–जी आन्दोलनमा ज्यान गुमाएका सहिद परिवारका एक/एक जना सदस्यलाई रोजगारी प्रदान गर्ने घोषणा स्टक ब्रोकर्स एशोसिएसनले गरेको छ ।

शुक्रबार काठमाडौंमा आयोजित एक कार्यक्रममा स्टक ब्रोकर्स एशोसिएसन अफ नेपालका अध्यक्ष सागर ढकालले आन्दोलनमा सहिद हुनु हुने परिवारका एक जना सदस्यलाई आफूहरूको एसोसिएसन अन्तर्गतका सदस्यको संस्थामा रोजगारीको अवसर प्रदान गरिने घोषणा गरेका हुन् ।  

आगामी कार्तिक ९ गते स्टक ब्रोकर्स एशोसिएसन अफ नेपालले आफ्नो ३२ औं स्थापना दिवस मनाउँदैछ । सो अवसरमा ब्रोकर्स एशोसिएसनले नेपालको पुँजी बजारको विकास र स्थायित्वका साथै यस मातहतका सदस्यहरूबाट प्रवाह हुने सेवाहरूलाई विस्तारित गरी धितोपत्र बजारको पहुँच विस्तार गर्दै अघि बढ्ने प्रतिबद्धता व्यक्त गरे ।