काठमाडौँ — गत भदौ महिनामा वार्षिक विन्दुगत उपभोक्ता मूल्य वृद्धिदर (मुद्रास्फीति) औसत १.८७ प्रतिशत रहेको छ । गत वर्षको सोही महिनामा यस्तो वृद्धिदर ३.८६ प्रतिशत रहेको थियो । 

सो अवधिमा खाद्य तथा पेय पदार्थ समूहको मूल्यवृद्धि १.३४ प्रतिशतले ऋणात्मक रहेको छ भने गैरखाद्य तथा सेवा समूहको ३.७० प्रतिशत छ । गत वर्षको सोही अवधिमा यी समूहहरूको मुद्रास्फीति क्रमशः ५.०६ प्रतिशत र ३.१९ प्रतिशत रहेको थियो । 

चालु आर्थिक वर्षको पहिलो दुई महिनामा खाद्य तथा पेय पदार्थ समूहअन्तर्गत घ्यू तथा तेल उपसमूहको वार्षिक विन्दुगत उपभोक्ता मूल्य सूचकांक ११.०९, गैरमदिराजन्य पेय पदार्थको ३.९७ र दुग्ध पदार्थ तथा अण्डाको २.६६ प्रतिशतले बढेको राष्ट्र बैंकले जनाएको छ ।