काठमाडौँ — नेपाल राष्ट्र बैंकले फस्ट पे टेक्नोलोजी र प्रभु टेक्नोलोजी प्राइभेट लिमिटेडको अनुमति पत्र खारेज गरेको छ । फस्ट पेले निर्धारित समयमा नवीकरण नगरेपछि यो कम्पनीको अनुमतिपत्र स्वतः खारेज भएको हो ।

यस्ता कम्पनीले सुरुमा ५ वर्षको अनुमतिपत्र दिएको हुन्छ । त्यसपछि कम्पनीले फेरि राष्ट्र बैंकमा गएर नवीकरण गर्नुपर्छ । यो कम्पनीले नवीकरण गर्न नआएपछि अनुमति स्वतः खारेज गरिएको राष्ट्र बैंकले जनाएको छ ।

यस्तै, राष्ट्र बैंकले प्रभु टेक्नोलोजी प्राइभेट लिमिटेडको अनुमति पत्र पनि खारेज गरेको छ । कम्पनी राम्रोसँग सञ्चालन हुन नसकेको भन्दै राष्ट्र बैंकले अनुमतिपत्र खारेज गर्ने निर्णय गरेको हो । 

उल्लिखित दुवै संस्थाहरुसँग कुनै लेनदेन बाँकी रहेको भए सूचना प्रकाशित भएको मितिले ३० दिनभित्र सम्बन्धित संस्थामा सम्पर्क गर्न राष्ट्र बैंकले आग्रह गरेको छ ।