काठमाडौँ — स्थानीय बजारमा बुधबारको तुलनामा आज सुनचाँदीको मूल्यमा सामान्य वृद्धि भएको छ । सुनको मोल तोलमा चार सय रुपैयाँले बढेको छ भने चाँदी १०  रुपैयाँले बढेको छ ।     

नेपाल सुनचाँदी व्यवसायी महासङ्घका अनुसार आज एक तोला सुनको मूल्य एक लाख ९९ हजार ४ सय  रुपैयाँ निर्धारण भएको छ । त्यति नै परिमाणको चाँदी दुई हजार ३५५  रुपैयाँमा खरिदबिक्री भइरहेको छ ।     

हिजो बुधबार एक तोला सुन एक लाख ९९ हजार  रुपैयाँमा किनबेच भएको थियो भने त्यति नै परिमाणको चाँदी दुई हजार ३४५  रुपैयाँमा क्रयविक्रय भएको थियो ।