कारोबारमा आएका मध्ये २३२ कम्पनीको सेयर मूल्य बढ्यो भने १९ कम्पनीको घट्यो।
काठमाडौँ — सेयर कारोबार मापक नेप्से परिसूचक ५३.०१ अंकले बढेको छ। अघिल्लो दिनको तुलनामा १ दशमलव ९१ प्रतिशतले बढेपछि समग्र नेप्से २ हजार ८१९.१० विन्दुमा पुगेको छ।
उक्त दिन कारोबारमा आएका मध्ये २३२ कम्पनीको सेयर मूल्य बढ्यो भने १९ कम्पनीको घट्यो।
७२ हजार ५२८ पटकको कारोबारमा १ करोड ४९ लाख ८६ हजार १४२ कित्ता सेयर किनबेच भयो। ती किनबेचमा ७ अर्ब ६८ करोड ३३ लाख रुपैयाँ बराबरको सेयर कारोबार भएको हो।
सबै उपसमूह बढे। जीवन बीमा, उत्पादन तथा प्रशोधन, विकास बैंक, अन्य र व्यापार उपसमूह उकालिएका छन्।
