काठमाडौँ — सेयर कारोबार मापक नेप्से परिसूचक ६.५१ अंकले बढेको छ । अघिल्लो दिनको तुलनामा शून्य दशमलव २३ प्रतिशतले बढेपछि समग्र नेप्से २ हजार ७ सय ७६.९० विन्दुमा उक्लिएको छ ।
उक्त दिन कारोबारमा आएकामध्ये १४२ वटा कम्पनीको सेयरमूल्य बढ्यो, १०७ वटाको घट्यो । ६१ हजार ७ सय ८४ पटकको कारोबारमा १ करोड ३१ लाख २४ हजार ३१० कित्ता सेयर किनबेच भए । ती किनबेचमा करिब ५ अर्ब ६३ करोड ६५ लाख रुपैयाँ बराबरको सेयर कारोबार भएको छ ।
सोमबारको तुलनामा मंगलबार कारोबार रकम घटेको छ । सोमबार ६ अर्ब १७ करोड रूपैयाँको कारोबार भएको थियो । सबै उपसमूहहरू बढ्यो । जीवन बीमा, उत्पादन तथा प्रशोधन,विकास बैंक, लगानी, अन्य र व्यापार उपसमूह बढ्यो ।
