काठमाडौँ — सेयर कारोबार मापक नेप्से परिसूचक ३०.७६ अंकले बढेको छ । मंगलबार एक दशमलव शून्य ३ प्रतिशतले बढेर नेप्से ३ हजार २ दशमलव ०७ विन्दुमा उक्लिएको छ । आइतबार १८.४४ अंकले घटेको नेप्से सोमबार ७ अंकले बढेको थियो ।
कुल १७६ कम्पनीको सेयर मूल्य बढ्यो भने ७४ कम्पनीको मूल्य घट्यो ।
कुल १ लाख ५७ हजार ५२५ पटकको किनबेचबाट १८ अर्ब ५२ करोड ९३ लाख रुपैयाँको सेयर कारोबार भएको छ । मंगलबार ४ करोड १८ लाख ८ हजार ९६६ कित्ता सेयर किनबेच भयो ।
मुक्तिनाथ कृषि कम्पनी, ट्रेड टावर र सान्भी इनर्जीको सेयर मूल्य १० प्रतिशतले बढेपछि सर्किट ब्रेक लाग्यो ।
विकास बैंक, फाइनान्स र व्यापार उपसमूह घट्यो । बाँकी सबै उपसमूहहरू बढ्यो ।
