काठमाडौँ — साप्ताहिक कारोबारको पहिलो दिन नै सेयर कारोबार मापक नेप्से परिसूचक ८.५७ अंकले घटेको छ । अघिल्लो दिनको तुलनामा शून्य दशमलव ३१प्रतिशतले घटेपछि समग्र नेप्से २ हजार ६ सय ७९.९८ विन्दुमा ओर्लिएको छ ।
उक्त दिन कारोबारमा आएकामध्ये ९९ वटा कम्पनीको सेयरमूल्य बढ्यो, १४८ वटाको घट्यो भने बाँकी १ वटा कम्पनीको स्थिर रहयो ।
कुल ७० हजार ६ सय १० पटकको कारोबारमा १ करोड ८५ लाख ५ हजार ७७१ कित्ता सेयर किनबेच भए । ती किनबेचमा करिब ७ अर्ब ६० करोड ९५ लाख रुपैयाँ बराबरको सेयर कारोबार भएको छ ।
लघुवित्त ११२.९९ र व्यापार ५.५९ अंकले बढेको छ । बाँकी सबै उपसमूहहरू घट्यो ।
